BIBI MIAKA 60 ABOMOLEWA NYUMBA MNA ANUSUSURIKA KUFA KWA TUHUMA ZA UCHAWI RAFIKI YAKE CHUPUCHUPU POLISI WAMUOKOA

Wananchi wenye hasira kali wakianza kuvunja nyumba ya Bibi Huyo

anaedhaniwa ni mchawi...!

Bibi Huyo mwenye Umri wa Miaka (60) aishie kata ya masewe

wilayani Ilemi Mkoani Mbeya...Jana alinusurika kifo Baada

ya wananchi wenye Hasira kali kuchoshwa na Vitendo vya

Kichawi vinavyoendelea kijijini hapo na Bibi huyo akiusishwa..

Walisema katika vikao kadhaa vilivyoitishwa mtaani hapo kwa

 ajili ya kutafuta mbinu za kupatikana kwa mtoto lakini Mwanamke

 huyo hakuonesha ushirikiano jambo ambalo lilizua hofu

 miongoni mwa wakazi hao hali iliyopelekea kuhisiwa

kuhusika na tukio hilo.

 

Walisema katika kikao kilichofanyika Machi 23 Mwaka huu

 majira ya Asubuhi mtaani hapo wananchi hao waliendelea

 kusisitiza kuwa Mwanamke huyo achukuliwe hatua kwa

 kuwa ndiye anayehusika na upotevu wa mototo ambapo

 iliamriwa kwenda nyumbani kwake kufanya upekuzi.

Mtoto wa Bibi Atukipile akiokoa vitu kadhaa vilivyosalia...!!

 

Walisema baada ya kufika nyumbani kwake na kufanya upekuzi

 walikuta vitu vinavyohisiwa kuwa vinahusika na ushirikina

 ambavyo ni vitovu vya watoto wachanga watatu ambapo

Mwanamke huyo baada ya kuulizwa alishindwa kutolea

ufafanuzi hali iliyosababisha wananchi kupandwa na hasira

na kuanza kumpiga.

 

Kutokana na tukio hilo Kaimu Mwenyekiti wa Mtaa huo Nedy

 Mwamlima alimnusuru Mwanamke huyo katika kipigo

 kutoka kwa wananchi kwa kumpeleka katika kituo kikuu

cha Polisi kwa usalama zaidi.

 

Baada ya mtuhumiwa huyo kunusuriwa na kukimbizwa

 katika kituo cha Polisi wananchi hao hawakupoza jazba

 zao ambapo waliamua kuteketeza nyumba ya mtuhumiwa

ikiwa ni pamoja na kufyeka mazao yaliyokuwa yamepandwa

 jirani na nyumba yake.

Hata hivyo hasira za wananchi hao hazikuishia hapo bali

walimsakama Mwanamke mwingine aliyejulikana kwa jina la

Agnes Sika ambaye ni mke wa Mchungaji wa kanisa la Pentecost

 Groly  kwa madai kuwa ni rafiki wa mtuhumiwa na amekuwa

akimfichia siri.

 

Jeshi la Polisi liliwahi kufika eneo laTukio na kumnusuru

Agnes asipatwe na madhara ikiwa ni pamoja na kutochomewa

 nyumba yake ambayo tayari wananchi hao walionekana

kuikimbilia kwa ajili ya kutaka kuibomoa.

 

Aidha Jeshi la polisi linaendelea kumshikilia mtuhumiwa

 kwa ajili ya mahojiano zaidi pamoja na upelezi ambapo Baba

 mzazi wa Mtoto anayesadikiwa kupotea katika Mazingira ya

 kutatanisha akisema anamwachia Mungu  baada ya juhudi

 za kumtafuta kushindikana.

Bibi Atupele pembeni akiwa na Mjukuu wake kwenye picha

ya Pamoja...Bibi huyo anaedhaniwa Mchawi

Baada ya vitendo vya kichawi kukithiri kijijini hapo....

Ni Baada ya Mtoto wa Miaka 11 kupotea Ghafla baada tu

ya kuena kumsalimia Bibi huyo Nyumbani kwake Majira ya

Ya Saa 11 Jioni.....!!