UMASIKINI BADO NI TATIZO NCHI HII

Imeelezwa kuwa tatizo la umasikini hapa nchini kwa kiasi kikubwa linachangiwa na wananchi wengi kutegemea kipato sehemu moja

Hayo yamesemwa na mkurugenzi wa vijana taifa Dkt. Kisui Steven wakati akifundisha masomo ya ujasiria mali kwa baadhi ya wananchi wa makete waliohudhuria mafunzo hayo yaliyofanyika katika ukumbi wa shule ya sekondari Iwawa

Amesema wananchi wengi hasa vijana wamekuwa wakibweteka na kutojishughulisha na shughuli yeyote kwa madai kuwa wanasubiri serikali iwaboreshee mazingira hivyo kusababisha kundi hilo kuzidi kuwa masikini

Amesema imezoeleka kuwa mtu akishaajiriwa na kuanza kupata mshahara hutegemea mshahara huo tu jambo ambalo ameliita ni hatari kwa kuwa mtua anayetegemea mashahara na akijishughulisha na shughuli za ujasiriamali itasaidia kuzidi kuinua kipato chake

Dkt. Steven amesema elimua ya ujasiriamali inazidi kuwajenga watu na kuboresha kipato cha mtu hivyo kuwataka vijana na wananchi kwa ujumla kuacha kusuasua kufanya shughuli za kiujasiriamali kwani wale wanaosuasua maisha yatazidi kuwa magumu kwao

Katika hatua nyingine amewataka wajasiriamali kutunza mitaji kwani wajasiriamali wengi wamekuwa na tabia ya kula mtaji jambo linalochangia kuwarudisha nyuma