UNICEF YAPONGEZWA KWA KUJENGA CHOO CHA SHULE MAKETE

Na Elisia Moshi, MAKETE

Mwalimu mkuu wa shule ya msingi Iwawa wilayani Makete amelishukuru shirika la umoja wa mataifa la kuhudumia watoto ulimwenguni (UNICEF) kwa kutoa msaada wa ujenzi wa vyoo shuleni hapo

Akizungumza na wanahabari ofisini kwake mwalimu mkuu huyo Bw. Fredy Chaula amesema kuwa vyoo hivyo havijakamilika rasmi ili kuanza kutumika kutokana na ukosefu wa fedha za kuingizia maji katika vyoo hivyo ambapo vyoo vinavyotumika sasa shuleni hapo sio imara

Amesema kuwa bado hajapewa na UNICEF gharama kamili za fedha zitakazotumika kujengea vyoo hivyo na pindi atakapozipewa atazitoa kwa uma

Amesongeza kuwa shule hiyo imekuwa na upungufu mkubwa wa vitabu vya kufundishia na kujifunzia vya kiada na ziada na pia kuna upungufu wa waalimu pamoja na ukosefu wa nyumba za kuishi waalimu

Hata hivyo ameiomba serikali kutimiza wajibu wake wa kuongeza waalimu na vifaa vya kufundishia shuleni hapo pamoja na kujadili madai ya waalimu pindi wanapotoa taarifa za madai hayo

Katika hatua nyingine shule hiyo yenye jumla ya wanafunzi 394 ina waalimu 18 tu ambapo ameongeza kuwa waalimu hao hawatoshelezi kulingana na idadi kubwa ya wanafunzi waliopo shuleni hapo