EXTRA BONGO KUTAMBULISHA VIFAA VIPYA

BENDI ya muziki wa dansi ya Extra Bongo ‘Wazee wa Kizigo’ inatarajiwa kuwatambulisha wanamuziki wake wawili wapya kutoka bendi moja kubwa hapa nchini kesho.

Kwa mujibu wa Mkurugenzi wa bendi hiyo, Kamarade Ally Choki, utambulisho huo unatarajiwa kufanyika katika ukumbi wa Mango Garden jijini Dar es Salaam, ukiwa na lengo la kuongeza nguvu katika bendi hiyo.

Choki alisema mwaka huu ni mwaka wa Extra Bongo, kutokana na mambo na mikakati mbalimbali ambayo wameipanga kuhakikisha bendi hiyo inaimarika zaidi.

“Ijumaa nafanya utambulisho wa waimbaji wawili kutoka katika moja ya bendi kubwa hapa nchini, hivyo basi nawaomba wadau wangu wajitokeze kwa wingi ili kuviona vifaa hivyo,” alisema Choki.

Aliongeza kuwa mbali na utambulisho huo wanatarajia kuzindua albamu mpya sambamba na nyimbo mbili mpya.