BALOTELLI AFUNGIWA MECHI TATU ITALIA KWA KUMBWATUKIA MSHIKA KIBENDERA JUMAPILI

MSHAMBULIAJI wa AC Milan, Mario Balotelli amefungiwa mechi tatu za Serie A baada ya kumbwatukia mshika kibendera katika mechi dhidi ya Fiorentina juzi.

Mshambuliaji huyo wa zamani wa Manchester City, Balotelli tayari alikuwa amefungiwa moja kwa moja mechi moja baada ya kupata kadi yake ya nne ya njano msimu huu katika mechi hyo iliyoisha kwa sare ya 2-2.

Tulia wewe: Kipa wa Fiorentina, Emiliano Viviano (katikati) akimtuliza Balotelli, wakati anamtupia maneno mshika kibendera Daniele Doveri

Hata hivyo akaongezewa adhabu ya mechi mbili zaidi katika taarifa iliyotolewa leo kwa kosa la kumbwatukia mshika kibendera huyo.

Mshambuliaji huyo wa Italia ameifungia mabao 10 klabu na timu yake ya taifa katika mechi 11 mwaka huu, lakini atakosa mechi zijazo za Milan dhidi ya Napoli na Juventus sambamba na Catania.

Kazini: Balotelli alisimama mbele wakati Milan inatoa sare ya 2-2, angalia hapa anavyochukua mpira wa juu

Balotelli akipambana

Milan inashika nafasi ya tatu Serie A, ikizidiwa pointi nne na Napoli katika kinyang'anyiro cha nafasi ya pili, huku Juventus ikiongoza kwa poinyi tisa zaidi.

Tukio hilo linakuja mara tu baada ya Balotelli kukutwa anavuta sigara chooni kwenye treni.