MTI WAZUIA BARABARA IPOGOLO

MTI WAANGUKA MLIMA IPOGOLO MAGARI YAKWAMA KUPITA

 Wananchi wakisubiri mti  kutolewa barabarani  baada ya  kuanguka na kuziba barabara ya mlima wa Ipogolo mjini Iringa leo jioni

 Hapa  wananchi  wakihangaika kukata mti huo kwa shoka  ili  kupata nafasi ya  kupita

 Msamaria  mmoja akikata  mti kwa  shoka huku mwendesha pikipiki akijaribu kupenya eneo hilo

 Foleni ya magari ikiwa imekwama  eneo hilo leo

 Mzungu ambae ni mfugaji Bw Philip akiwa amejitolea  mashine ya  kukata mti  huo na hapa kazi  ikianza

 Hapa  akiwa ametoa mashine ya pili kukata mti huo

 Wananchi  wakishindwa  kupita  eneo hilo

 Kazi inakwenda

 Abiria  wakiwa  wamekwama  eneo hilo 

 Askari  polisi  wakiweka  ulinzi eneo hilo

 Baadhi ya abiria  wanapoamua  kutembea  kwa  miguu

 Hapa zoezi la kuvuta magogo  yaliyokatwa na mzungu mwema  huyu

 Hivi  ndivyo  mti  ulivyong'oka

 Zoezi likifikia ukingoni  

Abiria  zaidi ya  500 leo  wamekwama katika  mlima wa Ipogolo mjini Iringa  baada ya mti mkubwa  uliokuwepo kandokando ya barabara  ya Ipogolo -Iringa mjini  kuanguka na  kunusuru  kulifunika basi la abiria  leo kabla ya  kuziba barabara  hiyo.

Tukio  hilo  limetokea mida ya saa 8 mchana  katika  eneo hilo ambapo moja kati ya daladala  lililokuwa  likipandisha eneo hilo  likiwa na abiria  zaidi ya 50  limenusurika  kufunikwa na mti huo.

Baadhi ya abiria  na mashuhuda wa  tukio  hilo waliozungumza na mtandao huu  wa www.francisgodwin.blogspot.com eneo la  tukio  wamedai kuwa hakuna mtu aliyejeruhiwa  japo  wameomba wasimamizi  wa barabara   hiyo wakala  wa barabara  mkoa  wa Iringa (TANROADS) kuangalia  uwezekano  wa  kukata  miti mikubwa  iliyopo eneo hilo ili kuepusha maafa makubwa  zaidi ya hayo.

Kwani  wamesema tatizo la mti huo na mawe  kuanza  kuporomoka katika mlima   huo  limetokana na baruti ambazo zilikuwa  zikitumika  kupasua mawe katika mlima  huo  wakati  wa upanuzi  wa barabara  hiyo  hivyo   sasa maji yanapoingia ndani ya ardhi hiyo ndio husababisha matatizo hayo .

Baadhi ya  wananchi  wamempongeza meneja  wa TANROADS mkoa  wa Iringa Paul Lwakurwa  kwa  kufika mapema  eneo hilo na kufanikisha  kutatua tatizo hilo vinginevyo hadi  kesho barabara  hiyo ingefungwa rasmi.