ANGALIA PICHA ZA WANAMZIKI WAKIWA IKULU NA JK

RAIS KIKWETE AKUTANA NA MAGWJI WA MUZIKI IKULU NA KUWAAHIDI NISHANI ZA KUTAMBUA UMUHIMU WAO KATIKA JAMII

 Rais Jakaya Mrisho Kikwete akisalimiana na Kikumbi Mwanza Mpango "King Kikii"

 Rais Jakaya Mrisho Kikwete na Comandoo Hamza Kalala

Rais Jakaya Mrisho Kikwete na Cosmas Thobias Chidumule

 Rais Jakaya Mrisho Kikwete na Abdul Salvador "Father Kidevu"

 Rais Jakaya Mrisho Kikwete na Flora Mbasha na mumewe

 Rais Jakaya Mrisho Kikwete na Rais wa Shirikisho la Muziki Tanzania Addo Mwasongwe

Rais Jakaya Mrisho Kikwete na Mwana FA

Rais Jakaya Mrisho Kikwete na Mwana FA

 Rais Jakaya Mrisho Kikwete na Waziri Ally

Rais Jakaya Mrisho Kikwete akisalimiana na Bi Shakila huku Carolla Kinasha na Waziri Ally wakisubiri zamu zao

---

TAARIFA KWA VYOMBO VYA HABARI

Serikali imeanza kutoa Nishani kwa wasanii kwa vile inatambua umuhimu wao katika jamii.

Rais Jakaya Mrisho Kikwete amewaeleza wawakilishi wa sanaa mbalimbali nchini waliofika Ikulu leo asubuhi kutoa shukrani kwa Mheshimiwa Rais kwa kuwatambua na kuwapa heshima kubwa ya Tuzo na Nishani wasanii katika siku ya sherehe za Uhuru za tarehe 9 Disemba, Ikulu, Dar-Es-Salaam.

“Tumetoa Nishani kwa vile wasanii wanatoa mchango mkubwa, tumeanza kutoa nishani mwaka huu na tutaendelea kutoa miaka ijayo kwani kwa kuitambua sanaa, mnawapa moyo wasanii kuendelea kujituma na kuwa wabunifu zaidi” Rais amesema na kuongeza, “Tumeingiza Nishani ya Wasanii na Watafiti maana nao wanafanya kazi kubwa sana ya kutafiti mazao na mbegu mbalimbali ambazo zinaongeza tija katika kilimo nchini”.

Katika kumbukumbu ya kusherehekea miaka 51 ya  Uhuru wa Tanzania bara mwaka huu, Rais Kikwete alitunuku nishani kwa makundi mbalimbali ya watu waliotoa mchango mkubwa katika jamii na waliotumikia taifa kwa uadilifu.

Rais alitoa Nishani ya Sanaa na Michezo kwa mara ya kwanza kwa wasanii nchini ambapo Bi. Fatma Baraka Khamis (Bi Kidude) kupitia Baraza la Sanaa Zanzibar, Kiongozi wa Muziki wa Dansi ya Msondo Ngoma Muhidin Maalim Gurumo, Kiongozi wa Zamani wa Bendi ya Dar Intrenational Marehemu Marijan Rajab walipata tuzo hiyo.

Wengine ni Msanii wa maigizo na filamu nchini Marehemu Fundi Said (Mzee Kipara) na Mwanariadha mkongwe John Steven Akwari.

Rais amewataka wasanii kushirikiana na serikali lakini pia wawe mstari wa mbele katika kupigania haki zao na sio kusubiri serikali tu iwafanyie hivyo.

Wasanii hao wamefika Ikulu wakiongozwa na Bw. Ruge Mutahaba wa Clouds Media Group.

Wengine ni Addo Mwasongwe, Rais wa Shirikisho la Muziki na Mwenyekiti wa Chama cha Muziki wa Injili, Bw. Juma Ubao Mwenyekiti wa Chama cha Muziki Tanzania (CHAMUDATA), aliyewakilishwa na Hamza Kalala.

Bibi  Shakila Said, Mkongwe wa Muziki wa Taarab Nchini, Bi Carola Kinasha Msanii wa Muziki , Mzee King Kiki msanii wa Muziki wa Dansi Mwana FA, msanii wa Kizazi Kipya na Bw. Waziri Ally , msanii wa Muziki.

Wawakilishi hao pia wamemshukuru Rais kwa msaada wa hali na mali anaotoa kwa wasanii mbalimbali wanapopata matatizo ambao hivi sasa wapo katika hatua mbalimbali za matibabu ya afya zao hapa nchini na nchi za Nje.

“Haya mengine ninayafanya tukama wajibu wa  kibinadamu kwa vile nina nafasi ya kufanya hivyo na pale tunapokua na uwezo tunasaidia kama binadamu wenzetu” Rais Amesema.

Imetolewa na Premi Kibanga,

Mwandishi Habari wa Rais, Msaidizi,

Ikulu - DSM

21 Desemba, 2012