WASSIRA ATOA HATI ZA ARDHI ZA KIMILA KWA WANANCHI WA KIJIJI CHA AMANI KATA YA MUNDINDI WILAYANI LUDEWA

 

Waziri wa nchi ofisi ya Rais mahusiano na Uratibu Mh.Steven Wassira aligawa hati 97za ardhi za kimila  kwa wananchi wa wilaya ya ludewa katika kijiji cha Amani kupitia mpango wa MKURABITA.

Akitoa hati hizo Wassira aliwaasa wananchi hao kuwa ardhi ni mali hivyo kila mwananchi wa kawaita anapaswa kuwa na hati hizo ili kuweza kukopesheka na taasisi za kifedha.

 Bw.Wassira alisema umiriki wa ardhi nchini ni wa kila mmoja ila kinachotakiwa ni kuiendeleza ardhi hiyo na kuwa makini na wawekezaji wadanganyifu.

Alisema vijana wanapaswa kuunda vikundi ili waweze kukopesheka na kuzalisha mazao yatakoyoweza uzika katika migodi iliyoko jirani na kijiji hicho.

Katika hatua nyingine Bw.Wassira aliweza kuweka jiwe la msingi katika zahanati ya kijiji cha shaurimoyo kata ya Lugarawa ambayo imejengwa na mradi wa TASAF.

Pia alifungua vyumba vinne vya madarasa ikiwa na nyumba ya mwalimu katika shule ya msingi Songambele iliyoko Ludewa kijijini kwa ufadhiri wa TASAF.

Aidha Bw.Wassira alisikitishwa na tabia ya watu wanaoharibu mazingira kwa kuchoma moto ovyo misitu katika kijiji hicho.

Alisema upataji wa hati hizo kupitia MKURABITA unatakiwa uendane na utunzaji wa mazingira na si vinginevyo ili kuepusha hali ya ukame.

Hata hivyo aliwaasa wananchi hao kuzitunza hati hizo za kimira kwani ni ukombozi kwa vizazi vyao ambapo hawataweza ingiliwa na mtu yeyote katika maeneo yao.

 

 

kwa hisani ya habari Ludewa